اذا عندك بقآيا تضحيه جيبه ..!

المساهمات : 19 تاريخ التسجيل : 08/07/2014

الـسلام علـيكم ورحـمة الله تعـالى و بـركاته

[ندعوك للتسجيل في المنتدى أو التعريف بنفسك لمعاينة هذه الصورة]

.. .. ..

ياه يا صبح الحنين
لا تخبّا وسط صوتي
فكّني
خلني أتظاهر إني مبتسم
خلني متماسك
وخلك حزين

جيت بدري
جيت افضفض عنك صدري
يا جريح
جيت أدوّر فيك راحه
ليه تبغاني أطيح
يعني عاد القاها منّك
وإلاّ منّه
يا مُعين الصابرين ..!

فمان الله يا قلب ٍ غمرني بلطفه وطيبه
فمان الله يا عشق ٍ حفظته بالضلوع سنين

لو اقدر أحبس الدمعه عشانك وأجمع الخيبه
قدرت أمشي لو حمولي كبيره بالقسا واللين

وأنا والله لو بحسب جمايل وقتي وعيبه
حسبت إنه لفابك لي ولكنّه خذاك الحين

أحبك كثر ما شانت وجيه وطاحت مصيبه
أحبك كثر ما عاشت مواويل السعف والطين

أحبك كثر ما ينبض خفوقي وإنت تدري به
أحبك كثر ما طعنت غيابك توجع السكين

يغيب البال ما كن الليالي ضاقت بذيبه
لو إنه جاع للصوت الطويل وجرّة المقفين

طواه الضيم لكنّه طواه وهيبته هيبه
رغم لؤم المدينه والمباني وغفلة الصاحين

فمان الله لو غصّت عيوني بدمعة الطيبه
وأنا واقف على باب الفراق أتسوّله : مسكين

عشان الله إذا عندك بقايا تضحيه جيبه
ترى ضاقت بي أنفاسي ولا أدري أروح لمين ..!

أروح لمين
أروح لمين
وأنا كل ما هدا قلبي
وخفف من بكاه
تبين ..!